رواية سرداب الغرام الفصل الأول لندا حسن

تجاعيد كثيرة صارمة إلى الحد الذي يجعلك تهابه من نظرة واحدة..
سأله يوسف ينظر إليه باستفهام
في حاجه!.
جلس والده معتدلا ورمقه بقوة ثم خرج صوته الصارم قائلا
نورا بنت عمتك جاية من السفر بعد أسبوعين طبعا أنت عارف هتعمل ايه
امتعضت ملامحه عندما علم ما الذي يتحدث به ولكنه راوغ في الحديث قائلا
لأ مش عارف
سخر منه والده يبصره بقوة وحدة
أنت هتتلائم عليا يا يوسف
عاد ينظر إليه بجدية شديدة ثم تقدم للأمام قائلا بقوة وصوت حاد
لأ مش بتلائم بس أنا سبق وقولتلك نورا مش مناسبة ليا وأنا رافض جوازي منها.. أنا مش صغير علشان أنت تختارلي شريكة حياتي
أجابه الآخر بلا مبالاة تامة لحديثه وكأنه لم يستمع إليه من الأساس
أنا أدرى بمصلحتك واختارت بنت عمتك علشان تتجوزها
سأله بقوة وڠضب
مختارتش لزيدان مراته ليه
ظهرت التفرقة بين الأبناء من قبل والدهم عندما قال ببرود وهدوء تام ينظر إليه بسخرية
زيدان يعمل اللي هو عايزة ومراته مناسبة لينا ولعيلتنا
هب يوسف واقفا فلم يحتمل حديث والده الذي يأكل قلبه في كل مرة مفرقا بينه وبين شقيقه على الرغم من أنه هو الذي يحمل على عاتقه أعباء العائلة ومشاغلها صدح صوته المرتفع الغاضب
اشمعنى هو يعمل اللي عايزة وأنا لأ.. أنا اللي شايل شغلكم كله فوق دماغي وهو حاطط ايده في الماية الباردة بس هو المفضل عندك وبراحته وعلى كيفه لكن أنا لأ ليه
رفع والده وجهه إليه يقول ببرود
أنت الصغير أنا أدرى بمصلحتك لازم أحافظ عليك
تهكم الآخر ساخرا يلوي شفتيه ليصيح بهمجية
أنت بتحافظ على الثروة مش عايز عمتي تدي مالها لبنتها وبنتها تديه لحد غريب صح
وقف والده هو الآخر تتحول ملامح وجهه إلى أكثر من القسۏة والحدة ېصرخ عليه
أنت إزاي بتتكلم معايا بالجرأة دي
أخذ نفس عميق محاولا أن يهدأ نفسه وزفره بقوة وعڼف يبتعد عن والده ونظرته نحوه ثم شعر بالآسف تجاه صراخه عليه فقال
أنا آسف.. بس أنا مش عايز اتجوز نورا
هدأ الآخر عندما اعتذر منه وحاول أن يقنعه باللين مرة أخرى
نورا الوحيدة المناسبة ليك.. مال وجمال وبنت عمتك وإحنا عارفينها كويس أحسن ما تروح تجبلنا واحدة من الشارع
أقترب يقف أمام مكتبه متسائلا بذهول
ليه من الشارع معرفش أجبلك واحدة بنت عيلة غيرها
ابتسم والده وتحركت تجاعيد وجهه وهو ينظر إلى سواد عيناه ونظرته المرعبة نحوه متفوها
علشان أنت رمرام ومش بتحب غير بتوع الشوارع
أومأ إليه برأسه بعدما وجده مصر على التكملة فيما قال وبدأ فتحدث يوسف وهو يبتعد
تمام.. أنا قولتلك اللي عندي أنا مش هتجوز نورا
أوقفته كلمات والده التي خرجت منه بنبرة صوت قاسېة مشټعلة بالعڼف والغلظة ضاربا على سطح المكتب بيده
قسما عظما لو كلامي متنفذش لهوريك أسود أيام حياتك يا يوسف.. أنت عارف أبوك يقدر يعمل ايه
يعلم ما الذي يستطيع فعله والده يعلم أنه تعدى مرحلة القسۏة بكثير رجل يحمل جبروت العالم أجمع وغلظة العالم بقلبه وإن فاضت تكفي الكون كله يعلم أنه يستطيع أن يمحيه من على وجه الأرض استدار يرمقه مخترقه بعيناه يقول بسخرية
هتأذي ابنك مثلا
أشار إليه بإصبع يده السبابة بمنتهى القسۏة صارخا
هأذيك أنت واللي خلفوك وبردو كلامي هيمشي في الآخر مش هيجي حتة عيل زيك يكسر كلامي..
تابعه بحدة ليكمل بغلظة وجمود
فكر كويس أنا في لحظة أسحب منك حياتك وفلوسك وكل الخير اللي أنت عايش فيه ده وعارف أن ده مش هيأثر عليك علشان كده مش هكتفي يا يوسف.. أعقل أحسنلك
ظل ينظر إليه يتابعه باستغراب أهذا والده! بقي ينظر إليه بذهول واستنكار لأمر